Gardalambetadas de Martina

Fixen este gardachuches reciclando un bote de Nutella. A que quedou lindo? Tamén se lle poden dar outras utilidades... todo está na imaxinación... non é?

Para facelo utilicei o bote de Nutella, goma eva de cores, pegamento de contacto, unha bola de porexpan (cortada á metade) e rotuladores de cores.

Primeiro fixen a tapa, pegando a metade da bola de porexpan ou cortiza branca con pegamento de contacto á tapa. Unha vez seca, cortei un anaquiño de goma eva rosa e quenteino co ferro de pasar, para así, unha vez quente, poder pegala co pegamento de contacto de xeito que se amolde dunha forma esférica, sen que quede enrruga ningunha, e incluso a estirei un pouco para que isto non acontecese. Unha vez seca, cortei o material sobrante, e logo outra peza rectangular da mesma cor para tapalas beiras da tapa. 

Despois só quedou adornala, con  goma eva marrón imitando a xarope de chocolate, fideos de cores de restos doutras manualidades, un barquillo de goma eva enrolada, tiras da mesma goma en branco imitando a nata montada... o que a imaxinación queira!!!! 

Para o frasco cortei pequenos pedazos rectangulares en azul e funos pegando ó redor, xa que o recipiente ten un xeito ovalado e había que adaptar o material á forma. Nun frasco circular tamén se podería poñer unha peza exclusivamente.

A continuación, fixen da mesma cor unha circunferencia para o fondo e dinlle un sombreado con rotuladores de cores para que imitase o vasiño dun xelado. Para darlle o último toque, púxenlle un letreiriño ó vaso, escrito con rotuladores de purpurina.
 

Pendentes Nadal

Bisutería con aire festivo de Nadal. Como vedes, as combinacións son infinitas... Con estes pendentes desexovos un Bo Nadal a todos. Agardo, de corazón, que sigades loitando polos vosos soños e que non esquezades que o obxectivo nesta vida é ser felices, e tamén facer felices ós demáis. Un bico enorme!!!!

Azibeche e cristal vermello

Pendentes Marta

Para eses grandes escotes amplos e colos longos... pendentes cúbicos, dinámicos e alegres, que buscan sempre o seu lugar. 

As variñas son especialmente longas, cun tope chao, e as doas escollidas neste caso son, dous cadrados de plástico tornasolado en varios tons de rosa. As doas máis pequeniñas brancas tamén son cubos, con tres caras mates e tres caras brilantes.

A modo de peche, púxenlle unhas pequenas gomiñas nos engaches das orellas, para maior seguridade.

Dedicados á miña Marta, unha das miñas estrelas, que fan fermosa ata a máis escura das noites.

Pendentes Fiorella

Pendentes sobrios e moi combinables, con aires de mar, ceo e aire. Pequenas burbullas de osíxeno que me brinda a miña amiga Orfa Fiorella. Dedicados a ti, preciosa!!!

As doas forman un combinado de cristal e plástico; a doa azul está pulida con forma poliédrica, e as doas transparentes son completamente esféricas con burbullas de aire no seu interior.

Pendentes Inma

Moi parecidos ós pendentes Vicky son os pendentes Inma; se os primeiros mostran as tonalidades do outono en Boston, os segundos as tonalidades do seu mar Atlántico... Unha doce morriña de dúas irmáns da alma...

Pendentes Vicky

Chega o tempo de inverno e cambia a tono da natureza... e tamén da roupa e complementos... estes pendentes teñen eses cores ocres das folliñas caídas no chan. Están dedicados á miña amiga Vicky, espero que vos gusten a todos, e, por suposto, en especial a ela.

Metinos nunha bolsiña de organza marrón pequena para darllos, espero que en breve, e así quedan moi bonitos para dar como detalle de voda, cada pendente diferente nunha bolsa combinada coa súa cor... a verdade é que é moi orixinal e aínda non o vin en ningún casamento!!!!

Pendentes Cris

Encántame o rosa, e o morado... todas as cores destes tonos, xunto co azul e o negro son os meus favoritos... nótase, non si? Seguindo coa liña dos pendentes, e tamén seguindo co costume de nomear os modelos facendo unha pequena homenaxe ás miñas mellores amigas, dedico estes pendentes á miña Cris. 

Para facer os pendentes empreguei dúas variñas, unhas cantas doas pequenas dun tubo combinado en tons rosas, dúas doas grandes tornasoladas, dous enganches para as orellas e uns alicerces.

Unha vez posto no fondo das variñas as doas pequenas, a grande, e logo a mesma combinación e número de pequenas, fixen un pequeno zig zag cos alicerces, en diagonal, sen facer ondulación coma nos pendentes Belén. Despois queda unila ó enganche das orellas e listo. Espero que vos guste.